|
SubscriptionsSites I Read
|
|
|
|
| 是咁的,小弟2星期前遷調左去新team工作,新team個head都係新官上任2個月,舊head雖然走左,但仲日日番黎跟番d cases.
咁今日有北京人士打黎head個位,新head聽唔到,過左黎小弟個位.
北京人士一口:「喂,唔該xxxxxx(舊head個名)」
小弟一時唔為意:「哦!佢應該唔响位喎~」
「哦,其實我係........咁我地想......麻煩你........」
「哦,好」
結果小弟真係戇居居咁去同阿舊head講呢單野.
舊head聽完之後,一句:「哦,我跟啦,唔該你」
跟住北京人士再致電,小弟交帶左進度之後
「其實阿xxxxx已經冇做啦,不過佢仲會番黎跟埋yyyyyyy d野咁,我幫你refer左俾佢啦,咁阿新head叫......佢個contact係.......」
放工路上,小弟腦中轉到......
點解我唔係直接refer俾新head?我係咪架空左佢?我會唔會引起一場太上皇同皇帝仔既宮心計? 
| | |
| 响直人眼中,我是直的
响基佬眼中,我是基的
咁我做基定做直好?
| | |
| 尋日我見到鹹片版水野亞美,如花美奈子,象腿白雪公主,仲有打緊band既美少女戰士,仲有無數既制服誘惑,如果响度拍番套鹹片,都應該會好賣得
| | |
| 尋日有老細請食滿記,於是lunch hr之後冇耐部門同事就一個接一個咁寫下心儀既甜點,等待佢既來臨 小弟望住張滿記list,寫下「士多啤梨西米露」 男同事聽到之後,一句:「嘩,好基呀!食士多啤梨!」 未幾,秘書過黎拉扶,我同男同事仨落去reception拎野後,响升降機裏面 秘書問我食乜野,我如實稟告之後,秘書啐左一聲 「成個細路仔咁!」 係,我係一個基既男仔,著衫基,講野基,食野都係基過人 | | |
| 是日有會要搞,早早番回公司,同事事前將俾與會人士既名牌放落地下receptionists度.
未幾,賓客陸續到達,但有一外藉人士未到,亦未去酒店登記,因此我只好將名牌放去地下,等佢可以憑證上黎.
上到去,見到負責聯絡地下reception既同事面有慍色,一言不發,身旁女同事一句問:「你知唔知有人冇badge?」
小弟如入五里霧中:「我點知!?」
男同事依舊一句冇講,女同事繼續:「點解會有人冇badge?唔係响下面俾既咩!?」
「係呀」
「咁點解會冇!?」
「下,你問我?我聯絡既咩?」
「你有冇提下面叫佢地俾?」
「冇喎~我剩係俾阿xx個佢叫佢地俾ja喎」
「點解你唔提,點解你唔提?」
小弟响度聽到一舊雲,我又唔知咩事,但小弟跟住又冇理佢,入去交帶一下
男同事怒氣未消,小弟同女同事問究竟發生咩事,女同事重覆一次全件事之後
「哦,咁係下面班人既問題即,關我咩事?」
女同事依舊講番:「咁你做咩唔提佢地,講多句即,駛死呀?」
小弟忍住其火:「喂,我又唔知咩事,我事先又唔知有人冇badge上黎,我點知下面班人咁樣?」
大炮繼續亂射:「咁你講多句係咪駛死!?」
小弟還擊,呢支機關鎗繼續用集中一點:「而家唔係你自己做自己既野,你concept有問題!」
小弟唔想公眾地方發老脾,心裏面問候緊呢位同事,自己又唔係佢老細,還左入去做野
女同事番入去,撞見supervisor,戲肉黎啦
呢位女同事當住我既面,同supervisor耳語,聽其片言隻字,絕對係將頭先既事加鹽加糖下講出黎.
supervisor一言不發,番埋其位.
小弟心諗,男同事都未話我,幾時到你呢位八婆出聲?你咩料?你咪同我同grade!are u involved?關你咩事?
不過好彩,小弟即將脫離而家department(不過係同呢位八婆一齊),不過,都唔會一齊幾耐
事後小弟問呢位男同事做咩咁火:「問樓下concierge啦!仲話幾pro幾pro,挑!」
咁究竟,又同小弟嗰句講左唔駛死既句子有乜關係呢?
有冇高人教下小弟,遇到同樣事情,可以點好!?
| | |
|
